Taarifa ya betri na chaja
Kifaa chako kinatumia betri inayoweza kuchajiwa upya. Betri
iliyokusudiwa kutumiwa na kifaa hiki ni BL-4U. Kifaa hiki
kimekusudiwa kutumika kinapopokea umeme kutoka kwa
chaja zifuatazo: AC-8. Betri inaweza kuchajiwa na
kuondolewa chaji hata mara mia, lakini hatimaye itachoka.
Wakati muda wa kuongea na muda wa kusubiri unaonekana
wazi kuwa mfupi kuliko kawaida, badilisha betri. Tumia betri
zilizoidhinishwa tu na Nokia, na weka chaji kwenye betri
yako kwa kutumia chaja zilizoidhinishwa tu na Nokia kwa
ajili ya kifaa hiki. Utumiaji wa betri au chaja isiyoidhinishwa
inaweza kuleta hatari ya moto, mlipuko, uvujaji, au hatari
zingine.
Namba halisi ya modeli ya chaja inaweza kutofautiana
kulingana na aina ya plagi. Utofauti wa plagi unatambuliwa
na moja ya yafuatayo: E, EB, X, AR, U, A, C, au UB.
Ikiwa betri inatumiwa kwa mara ya kwanza au ikiwa betri
haijatumika kwa muda mrefu, inaweza kuwa lazima
kuunganisha chaja, halafu kukata unganisho na kuunganisha
tena ili kuanza kuchaji betri. Kama betri imeishiwa chaji
kabisa, inaweza kuchukua dakika kadhaa kabla kiashirio cha
kuchaji hakijatokea kwenye simu au kabla simu zozote
kuweza kupigwa.
Daima zima kifaa na ondoa unganiko kwenye chaja kabla ya
kuondoa betri.
Chomoa unganiko la chaja kwenye plagi ya umeme na
kwenye kifaa wakati hakitumiki. Usiache betri iliyochajiwa
kabisa ikiwa imeunganishwa kwenye chaja, kwa sababu
uwekaji wa chaji ya ziada kunaweza kufupisha maisha yake.
Ikiachwa bila kutumika, betri iliyokuwa imejaa chaji
itapoteza chaji yake kadri muda unavyopita.
Daima jaribu kuweka betri kwenye halijoto kati ya 15°C na
25°C (59°F na 77°F). Halijoto ya juu sana hupunguza uwezo
na uhai wa betri. Kifaa chenye betri moto au baridi kinaweza
kisifanye kazi kwa muda. Ufanyaji kazi wa betri unapungua
sana kwenye halijoto zilizo chini ya kiwango cha kuganda.
Usifanye mkato wa umeme kwenye betri. Mkato wa umeme
unaweza kutokea kwa bahati mbaya kama kitu cha chuma
kama sarafu, klipu au kalamu kimesababisha kuunganisha
temino za chanya (+) na hasi (–) za betri. (Hivi huonekana
kama vipapi vya chuma kwenye betri.) Hii inaweza kutokea,
kwa mfano, wakati ukibeba betri ya akiba mfukoni mwako
au kwenye pochi. Mkato wa umeme kwenye temino huweza
kuharibu betri au hicho kinachounganisha.
Usitupe betri zilizokwishatumika kwenye moto kwa sababu
zinaweza kulipuka. Betri zinaweza pia kulipuka kama
zimeharibika. Tupa betri kwa kufuata sheria za mahali ulipo.
Tafadhali rejeleza betri pale inapowezekana. Usitupe kama
takataka za kawaida za nyumbani.
Usimamiaji haki za kidijito (‘Digital rights management’) 41
Usichanechane, kukata, kufungua, kugongesha, kukunja,
kuharibu, kutoboa au kupasua seli au betri. Katika tukio la
betri kuvuja, usiruhusu kimiminika kugusana na ngozi au
macho. Kwenye tukio la uvujaji wa aina hiyo, osha ngozi au
macho yako mara moja na maji, au tafuta msaada wa
kitabibu.
Usirekebishe, kutengeneza tena, kujaribu kuingiza vitu geni
kwenye betri, au kuingiza au kuweka wazi kwa maji au
umiminiko mwingine.
Utumiaji betri vibaya kunaweza kusababisha moto, mlipuko
au hatari zingine. Kifaa au betri kikiangushwa, haswa kwa
sakafu ngumu, na unaamini betri imeharibika, ipeleke kwa
kituo cha huduma ifanyiwe uchunguzi kabla ya kuendelea
kuitumia.
Tumia betri kwa matumizi yaliyokusudiwa tu. Kamwe
usitumie chaja yoyote au betri iliyoharibika. Weka betri mbali
na mahali watoto wadogo wanapoweza kufika.